![GSH APP](https://gazetashqiptare.al/wp-content/uploads/2022/04/gshok.jpg)
![Download on Apple Store](https://balkanweb.com/wp-content/uploads/2019/01/ios.jpg)
![Get it on Google Play](https://gazetashqiptare.al/wp-content/uploads/2022/04/android-app.png)
Policia e Lezhës ka arrestuar këtë të mërkurë një nga të shumëkërkuarit e skandalit me pronat në Shëngjin, për të cilën është vënë nën akuzë kryebashkiaku i Lezhës Fran Frrokaj dhe zyrtarë të tjerë.
I arrestuar është Zef Gjini, 59vjeç, banues në Lagjen “Nënë Tereza” në Lezhë.
Ndaj këtij personi Gjykata e Rrethit Gjyqësor Lezhë me Vendim të datës 15.03.2018, ka caktuar masën e sigurimit “Arrest në burg”, për veprën penale “Falsifikimi i dokumenteve”.
Në të njëjtën kohë vijon puna për kapjen e personave të tjerë të shpallur në kërkim.
Kujtojmë se një ditë më parë Gjykata e Apelit, lidhur me këtë skandal, vendosi të lërë në arrest shtëpie, kryebashkiakun demokrat të Lezhës, Frrokajn.
Shfaq Komentet (0)